Malayalam – Miscellaneous
ജിമെയില് നിറയുമ്പോള് സഹായിക്കാന്
ജിമെയില് നിറയുമ്പോള് സഹായിക്കാന്
വിദ്യാരംഭം – 17.10.2010
വിദ്യാരംഭം – 17.10.2010
സാധാരണയായി താഴെ കാണുന്ന വിധത്തില് എഴുതി കൊണ്ടാണ് ഈ എഴുത്ത് അല്ലെങ്കില് വിദ്യയുടെ അദ്ധ്യാക്ഷരം ചൊല്ലി കൊടുക്കല് നടത്തുന്നത് :
ഓം
ഹരി ശ്രീ ഗണപതയേ നമ: അവിഘ്നമസ്തു
ഇതു ഏറ്റവും ചെറിയ കുട്ടികളുടെ നാവില് എഴുതി തുടങ്ങുന്ന സമയത്തു. കുറച്ചു മുതിര്ന്നവര് മേലെ എഴുതിയവ കൂടാതെ:
ഓം ശ്രീ ഗുരുഭ്യോ നമ:
ഓം ശ്രീ സരസ്വത്യൈ നമ:
എന്നിവയും, കൂടെ, മലയാളത്തിലെ അക്ഷരങ്ങളും (ഉദാഹരണത്തിന്)
മലയാളം പഠിക്കണം എന്ന് താത്പര്യം ഉള്ളവര്ക്ക് താഴെ എഴുതിയ വെബ് സൈറ്റ് നല്ല ഒരു മാര്ഗ ദര്ശി ആണ്.
/ജാതി മത ഭേദമെന്യേ എല്ലാവരിലും സരസ്വതി പ്രസാദം വളരട്ടെ.
രമേഷ് മേനോന്
17.10.2010
തീര്ത്ഥക്കരയിലെ ചെമ്പടമേളം കൂടല്മാണിക്യത്തിന്റെ മാത്രം
ഉത്സവം- ക്ഷേത്രകലകള്ക്ക് ആസ്വാദകരേറെ
ഉത്സവം- ക്ഷേത്രകലകള്ക്ക് ആസ്വാദകരേറെ
Author : – സ്വന്തം ലേഖകന് www.irinjalakuda.com
ഇരിങ്ങാലക്കുട : കൂടല്മാണിക്യം ക്ഷേത്രോത്സവത്തോടനുബന്ധിച്ച് അരങ്ങേറുന്ന ക്ഷേത്രകലകള്ക്ക് ആസ്വാദകരേറെയാണ്. രാവിലത്തെ ശീവേലി കഴിഞ്ഞാല് ഉടന് കിഴക്കേ നടപ്പുരയില് ഓട്ടന്തുള്ളലും ശീതങ്കന് തുള്ളലും അരങ്ങേറും.ഇതില് കല്ല്യാണ സൗഗന്ധികവും, സഭാപ്രവേശവും, ഗരുഡ ഗര്വഭംഗവും തന്മയത്വത്തോടെ അവതരിപ്പിക്കുന്നത് നന്തിപുലം പി.കെ.നീലകണ്ഠനും സംഘവുമാണ്. കല്യാണ സൗഗന്ധികത്തിലെ ഹാസ്യപ്രധാനങ്ങളായ സന്ദര്ഭങ്ങളെ അവതരിപ്പിക്കുമ്പോള് കൂടി നില്ക്കുന്നവരില് ചിരിപടരും. കൂത്തമ്പലത്തോട് ചേര്ന്ന സന്ധ്യാവേല പന്തലില് മദ്ദളപറ്റ്, കൊമ്പുപറ്റ്, നാദസ്വരം എന്നിവയും ആസ്വദിക്കേണ്ട കാഴ്ചയാണ്. കിഴക്കേ ഗോപുരനടയില് ചെണ്ടയുടെ താളലയമായ തായമ്പകയും മികച്ചതുതന്നെ. സന്ധ്യാസമയത്ത് കൂത്തമ്പലത്തില് അമ്മന്നൂര് കൂടിയാട്ട പാരമ്പര്യത്തിന്റെ പൈതൃകം വിളിച്ചോതുന്ന ചാക്യാര്കൂത്തു കാണാന് ആളുകള് അഴികള്ക്കുള്ളിലൂടെ ആകാംക്ഷയോടെ എത്തിനോക്കും.പടിഞ്ഞാറേ പ്രദക്ഷിണ വഴിയില് അരങ്ങേറുന്ന പാഠകവും ആളുകളെ ചുറ്റും കൂടി നിര്ത്തും. തലയില് ചുവപ്പു പട്ടുമായി കൊടുങ്ങല്ലൂര് കോവിലകത്തെ നന്ദകുമാര് രാജയാണ് പാഠകം അവതരിപ്പിക്കുന്നത്. ഇതേസമയം നടക്കുന്ന പടിഞ്ഞാറെ നടപ്പുരയിലെ കുറത്തിയാട്ടവും ക്ഷേത്രത്തിലെത്തുന്നവര്ക്ക് പ്രിയമാണ്.
മേളപ്രമാണത്തില് നാലാം തവണയും ചെറുശ്ശേരി കുട്ടന്മാരാര്
Author : – സ്വന്തം ലേഖകന് http://www.irinjalakuda.com/
കൂടല്മാണിക്യം ക്ഷേത്രോത്സവം – ആദ്യശീവേലി ഇന്ന്
Author : – സ്വന്തം ലേഖകന് www.irinjalakuda.com
കൊടിപ്പുറത്ത് വിളക്കിന് സംഗമേശനെഴുന്നളളി
Author : – സ്വന്തം ലേഖകന് http://www.irinjalakuda.com
ഭക്തിയുടെ നിറവില് ആഘോഷങ്ങളുടെ ദിനങ്ങളിലേക്ക് സംഗമേശന് പുറത്തെഴുന്നളളിയതോടെ പ്രസിദ്ധമായ കൂടല്മാണിക്യക്ഷേത്രോത്സവത്തിലെ ആദ്യവിളക്ക് നടന്നു. കൊടിപ്പുറത്ത് വിളക്കിന് ദേവന് ആദ്യപ്രദക്ഷിണത്തിന് സ്വന്തം കുട്ടിക്കൊമ്പനായ മേഘാര്ജ്ജുനന്റെ പുറത്തുകയറിയതോടെ പ്രസിദ്ധമായ പഞ്ചാരിയുടെ അകമ്പടിയില് ഉത്സവമാരംഭിച്ചു. രാവിലെ മുതല് വിവിധ ക്ഷേത്രചടങ്ങുകള്ക്കുശേഷം ശ്രീകോവിലില് നിന്ന് ദേവചൈതന്യത്തെ തിടമ്പിലേക്കാവാഹിച്ച് ഈ വര്ഷത്തെ ഉത്സവത്തിന് പുറത്തെഴുന്നളളിയപ്പോള് തിരുനടയില് ഭക്ത സഹസ്രങ്ങള് തൊഴുത് നിര്വൃതിയടഞ്ഞു. ഉത്സവത്തോടനുബന്ധിച്ചുളള കലാപരിപാടികള് വൈകീട്ട് സ്പെഷല് പന്തലില് ആരംഭിച്ചു. കാവാലം വിനോദിന്റെ സോപാനസംഗീതം, ഇരിങ്ങാലക്കുട നടനകൈശികിയുടെ നേതൃത്വത്തില് മോഹിനിയാട്ടം, ചലചിത്രതാരം ബേബി മാളവികയും സുനില് നെല്ലായിയും ചേര്ന്നവതരിപ്പിച്ച നൃത്തനൃത്ത്യങ്ങള്.
സംഗമേശനഗരിയില് ഉത്സവലഹരി പരന്നു-കൊടിപ്പുറത്ത് വിളക്ക് ഇന്ന്
Author : – സ്വന്തം ലേഖകന് www.irinjalakuda.com
വീണ്ടും ദേവനെഴുന്നളളുമ്പോള് തിടമ്പേറ്റാന് മേഘാര്ജ്ജുനന്
വീണ്ടും ദേവനെഴുന്നളളുമ്പോള് തിടമ്പേറ്റാന് മേഘാര്ജ്ജുനന്
Author : – സ്വന്തം ലേഖകന് www.irinjalakuda.com
കഴിഞ്ഞ ഉത്സവകാലത്തിനുശേഷം ദേവനെ വീണ്ടും പുറത്തേക്കെഴുന്നളളിക്കാന് മേഘാര്ജ്ജുനന് ഇന്ന് തിരുനടയിലെത്തും. ഉത്സവത്തിന് മാത്രം ശ്രീകോവിലില് നിന്ന് പുറത്തെഴുന്നളളുന്ന ദേവന് സ്വന്തം ആനപ്പുറത്തേ ആദ്യമെഴുന്നളളൂ എന്നതാണ് ശ്രീകൂടല്മാണിക്യസ്വാമിയുടെ പ്രത്യേകത. കഴിഞ്ഞവര്ഷവും സംഗമേശനെ പുറത്തെഴുന്നളളിച്ചത് സ്വന്തം മേഘാര്ജ്ജുനന് തന്നെയാണ്. പത്തുദിവസത്തെ ഉത്സവലഹരിക്ക് തിരികൊളുത്തുന്ന കൊടിപ്പുറത്ത് വിളക്കിനായി ദേവന് എഴുന്നളളിയാല് ആദ്യപ്രദക്ഷിണത്തിന് തിടമ്പേറ്റുന്നതിനുളള അവകാശം കുട്ടിയാണെങ്കിലും അത് മേഘാര്ജ്ജുന് തന്നെയാണ്. തുടര്ന്നുളള എഴുന്നളളിപ്പുകളില് തിടമ്പേറ്റുന്നത് ഗജരാജന് തിരുവമ്പാടി ശിവസുന്ദറും. തിരുവമ്പാടി ചെറിയ ചന്ദ്രശേഖരന്, തിരുവമ്പാടി രാമഭദ്രന്, കുട്ടന്കുളങ്ങര അര്ജ്ജുനന്, ഈരാറ്റുപേട്ട അയ്യപ്പന്, തായംകാവ് മണികണ്ഠന്, ചെമ്പൂത്ര ദേവീദാസന്, ചിറയ്ക്കല് മഹാദേവന്, ചിറയ്ക്കല് കാളിദാസന്, പാറന്നൂര് നന്ദന്, പിതൃക്കോവില് പാര്ത്ഥസാരഥി, പാറമേക്കാവ് നാരായണന്, ശങ്കരംകുളങ്ങര മണികണ്ഠന്, ഗുരുവായൂര് നന്ദന്, ഗുരുവായൂര് കേശവന്കുട്ടി, ചെര്പ്പുളശ്ശേരി ശേഖരന്, പാമ്പാടി സുന്ദരന്, നായരമ്പലം രാമന്കുട്ടി, പളളത്താംകുളങ്ങര ഗിരീശന്, കൂറ്റനാട് രാജശേഖരന്, പുതുപ്പളളി കേശവന്, പുതുപ്പളളി സാധു, മുളളത്ത് ഗണപതി, ചിറയ്ക്കല് ശിവന്, കുറ്റുമുക്ക് അമ്പാടി എന്നീ ആനകളാണ് കൂടല്മാണിക്യസ്വാമിയുടെ തിരുവുത്സവത്തിന് ക്ഷേത്രത്തിലെത്തിയിരിക്കുന്നത്.
പത്തു ദിവസത്തെ തിരുവുത്സവത്തിന്റെ പ്രൗഢി ചമയങ്ങളില് തെളിഞ്ഞു
Author : – സ്വന്തം ലേഖകന് http://www.irinjalakuda.com/
ശ്രീ കൂടല്മാണിക്യം ക്ഷേത്രത്തിലെ തിരുവുത്സവത്തിനുള്ള ആനയലങ്കാരങ്ങള് പ്രദര്ശിപ്പിച്ചു. മിനുക്കിയെടുത്ത നെറ്റിപട്ടങ്ങളും , കോലവും ആലവട്ട-വെഞ്ചാമരങ്ങളും നിരത്തിയപ്പോള് ഉത്സവത്തിന്റെ പ്രൗഢി ചമയങ്ങളില് തെളിഞ്ഞു. തുടര്ച്ചയായി ശീവേലിദിനങ്ങളില് ഒരുങ്ങുന്ന ഗജവീരന്മാര്ക്കായുള്ള അലങ്കാരങ്ങളാണ് പ്രദര്ശിപ്പിച്ചത്. ഇതില് മൂന്നാനകള്ക്ക് മാത്രമേ സ്വര്ണ്ണവര്ണ്ണത്തില് തിളങ്ങുന്ന നെറ്റിപ്പട്ടമുള്ളത് മറ്റുള്ളവര്ക്ക് വെള്ളിപൂശിയ നെറ്റിപ്പട്ടങ്ങളാണ് അണിയുക. ഗുരുവായൂര്, തൃശൂര് പാറമേക്കാവ് തുടങ്ങി നിരവധി ക്ഷേത്രോത്സവങ്ങള്ക്ക് ചമയങ്ങളൊരുക്കിയിരുന്ന പുഷ്ക്കരനാണാണ് ഒരു ദശകത്തിലേറെയായി കൂടല്മാണിക്യം തിരുവുത്സവത്തിനും ചമയങ്ങളൊരുക്കുന്നത്.
ClicksandWrites 
You must be logged in to post a comment.