മഴയിൽ കുതിർന്ന ബാല്യം

Posted on Updated on

മഴയിൽ കുതിർന്നു കിടക്കുന്ന ഈ കളിസ്ഥലം പലർക്കും സുപരിചതമാണ്. അവിടെ ചിലവഴിച്ച ബാല്യകാലം ഓർത്തെടുക്കാൻ വേണ്ടി 2010 ഇൽ ഒരു മഴക്കാലത്ത് ആ വഴി കറങ്ങി എടുത്ത ഒരു ഫോട്ടോ.

ഓർമ്മകൾ കുറച്ചു കൂടി പുറത്തേക്കെടുത്താൽ പലർക്കും ഇത് തീർത്തും മറക്കാനാവാത്ത ഒരു ചിത്രമാവും. അന്നൊക്കെ കാലത്തു സ്കൂളിൽ നേരത്തെ വന്നാൽ ഫുട്ബോൾ കാളി ഒരു ഹരമായിരുന്നു. ക്ലാസ് കഴിച്ചു വൈകീട്ടും. മഴയിൽ കുതിർന്നു കിടക്കുന്ന ഈ കളിസ്ഥലത്തു പുല്ലിലും ചേറിലും കളിച്ചു ഷർട്ട് എല്ലാം അഴുക്കാക്കി വീട്ടിൽ തിരിച്ചെത്തുമ്പോൾ കിട്ടുന്ന ചീത്ത ഒന്നും അപ്പോൾ ഓർക്കാറില്ല. ഒന്നോ രണ്ടോ ജോഡി ഷർട്ടും ട്രൗസറും മാത്രം കിട്ടുന്ന അന്നത്തെ സ്കൂൾ കാലത്തു, ആ ചേറിൽ കുതിർന്ന ഷർട്ടും ട്രൗസറും വീട്ടിൽ വന്നു കഴുകി ഉണക്കി എടുത്തു തേച്ചു വൃത്തി ആക്കാൻ ഉള്ള പെടാപ്പാടു അന്നത്തെ അമ്മമാർക്കെ അറിയൂ.

എന്നാലും, അതൊരു സുവർണ കാലം ആയിരുന്നു. ഇന്നത്തെ പോലെ കുട്ടികൾക്ക് പുറത്തു കളിയ്ക്കാൻ അവസ്സരങ്ങൾ കുറവാണ്, നിഷേധിക്കപ്പെടുന്നു, എന്നുള്ള വസ്തുതകൾ ഒരു സത്യം മാത്രം. ഇന്ന് ബാല്യ കാലം മൊബൈൽ ഫോണിൽ കളയുന്ന കുട്ടികൾക്കായി ഈ ഫോട്ടോ സമർപ്പിക്കുന്നു.

വായിക്കൂ, കളിക്കൂ, പുറത്തിറങ്ങി ധൈര്യത്തോടെ ഇടപെഴകൂ, വളർന്നു വളത്താകൂ. കൂടെ ആൺ പേന വ്യത്യാസം ഇല്ലാതെ സ്വയരക്ഷക്കു ഉള്ള വഴികളും പേടിച്ചു മുന്നേറൂ. പരമാവധി മൊബൈൽ ഓൺലൈൻ കൂട്ട് കെട്ടുകൾ ഒഴിവാക്കൂ. നിങ്ങളുടെ മാതാപിതാക്കൾ ആവട്ടെ നിങ്ങളുടെ മാർഗദർശികൾ. അല്ലാതെ ഇന്നലെ ഓൺലൈനിലോ മൊബൈലിലോ പരിചയപ്പെട്ട എവിടെയോ ഉള്ള സുഹൃത്ത് ആവാതിരിക്കട്ടെ!

രമേശ് മേനോൻ
17 March 2017DSC09116